Cancer

ကရကဋ်ရာသီ (Cancer)

(ဇွန် ၂၂ - ဇူလိုင် ၂၂)

ရေဓာတ်သဘာဝရှိတဲ့ ကရကဋ်ရာသီဖွားများကို စိတ်ခံစားမှုများကသာ ကြီးစိုးကြပါတယ်။ ဂဏန်းသင်္ကေတနဲ့အတူ မွေးဖွားလာတဲ့ သူတို့ဟာ စိတ်ထိခိုက်လွယ်၊ စိတ်ဆိုးလွယ်၊ စိတ်ခံစားမှုတွေ လွယ်ကြပြီး မိသားစုကို သိတတ်မှုက သူတို့အတွက် အလွန်အရေးကြီးပါတယ်။ ကရကဋ်ရာသီဖွားတွေရဲ့ စတိုင်လ်ဟာ လှပပျော့ပျောင်းပြီး အမြဲတမ်း မိန်းကလေးဆန်ပါတယ်။ သူတို့ရဲ့ အ၀တ်ဗီရိုတွေကို သုံးသပ်ကြည့်မယ်ဆိုရင် အတိတ်ကာလကို ပြန်ရောက်သွားသလိုပါပဲ။ သူတို့ဟာ ဗီရိုထဲက ဘယ်ဟာကိုမှ လွှင့်မပစ်ကြပါဘူး။ အောက်မေ့တမ်းတစရာတွေရှိတယ် ဆိုတဲ့ အကြောင်းပြချက်နဲ့ပဲ သူတို့ရဲ့ အ၀တ်တွေကို ထိန်းသိမ်းထားကြပါတယ်။ Cancer တွေအတွက်ကတော့ ပစ္စည်းတိုင်းမှာ အတိတ်ဇာတ်လမ်းလေးတွေ ရှိကြတာပါပဲ။ Cancer Shopper တွေအနေနဲ့ Mall တွေကို မသွားဘဲ ခေတ်အဆက်ဆက် ကျော်ကြားလာခဲ့တဲ့ စတိုး (သို့) အပ်ချုပ်ဆိုင် (သို့) အထည်ဆိုင်တွေကို သွားသင့်ပါတယ်။ ဒီနေရာတွေမှာ နဂိုတည်းက ကျော်ကြားမှု သမိုင်းရှိခဲ့တဲ့ အထည်တွေနဲ့ အရောင်တွေကို ရွေးချယ်ရရှိနိုင်ပါတယ်။ ခန္ဓာကိုယ်ကို နူးညံ့ပျော့ပျောင်းတဲ့ ကောက်ကြောင်းအလှ ဖန်တီးပေးနိုင်မယ့် စတိုင်လ်တွေကို အာရုံစိုက်သင့်ပါတယ်။

Cancer Star Style:

Lindsay Lohan – July 2

Lindsay ရဲ့ အရောင်ဖျော့ဖျော့ နူးနူးညံ့ညံ့ ပွဲတက်ဝတ်စုံဟာ လမ်းလျှောက်လိုက်တိုင်း လေထဲမှာ လွင့်နေသလို ထင်ရပါတယ်။ ၀တ်စုံသားရဲ့ လှိုင်းထနေသလို လှုပ်ခတ်မှုဟာ လူတွေကို အာရုံစိုက်လာအောင် ဆွဲဆောင်နိုင်ပါတယ်။ Lindsay ရဲ့ မိန်းမပီသတဲ့ ၀တ်စုံဟာ ခန္ဓာကောက်ကြောင်းတွေနဲ့ လိုက်ဖက်ဟပ်မိနေလို့ ချစ်စရာကောင်းသလို လိင်စိတ်တွေကိုလည်း နိုးကြွစေပါတယ်။