6 Type of Men Bag

အမျိုးသားကိုင်အိတ် ၆မျိုး

အိတ်တွေဟာ မရှိမဖြစ်စတိုင်လ်တွဲဖက်ပစ္စည်းတွေ ဖြစ်လာပြီဆိုတာ ဖက်ရှင်ကို စိတ်ဝင်စားတဲ့ အမျိုးသားတွေ သိကြပါတယ်။ အိတ်တွေဟာ အမျိုးသမီးတွေအတွက်သာ မဟုတ်တော့ဘဲ အမျိုးသားတွေအတွက်ပါ ယောက်ျားဆန်ဆန်နဲ့ ဆွဲဆောင်မှုရှိပြီး မျက်မှောက်ခေတ်အ၀တ်အစားတွေအတွက် အကောင်းဆုံးပေါင်းစပ် တွဲဖက်စရာ ဖြစ်လာပါပြီ။ အမျိုးသားကိုင်အိတ်တွေအကြောင်း သိချင်ပေမယ့် ဘယ်တစ်ခုက သင့်လိုအပ်ချက်နဲ့ သင့်တော်မှန်း အသေအချာ မသိသေးရင် ဒီအကြံပြုချက်ကို မှတ်သားထားပါ။

“Classic စတိုင်လ်အိတ်ကိုသာ စွဲမြဲစွာ ရွေးချယ်မယ်ဆိုရင် ဘယ်တော့မှ မမှားနိုင်ပါဘူး။”

သင့်ရဲ့ အလုပ်တက်ဝတ်စုံတွေ၊ ပေါ့ပေါ့ပါးပါး ၀တ်စုံတွေနဲ့ လိုက်ဖက်စွာ ပေါင်းစပ်နိုင်တဲ့ Classic စတိုင်လ် အိတ် ၆မျိုးကို ဖော်ပြထားပါတယ်။

Briefcase

အမျိုးသားတွေအတွက် Briefcase ဟာ သက်တမ်းအရှည်ဆုံး လက်သင့်ခံနိုင်တဲ့ လက်ကိုင်အိတ် ပုံစံဆိုတာ သေချာသလောက်ပါပဲ။ သင့်ဖခင်လက်ထက်က ထောင့်စွန်းချွန်ပုံစံ Briefcase ကနေ ဒီနေ့ခေတ်မှာတော့ အများကြီး ပြောင်းလဲလာပါပြီ။ သေတ္တာပုံစံလည်း သိပ်မကျတော့ပါဘူး။ Classic ပုံစံ၊ ဘာကယ်ကွင်း၊ သားရေအပြင်ပိုင်းနဲ့ သင့်တော်တဲ့ အတွင်းပိုင်း အကန့်တွေနဲ့ ဒီအိတ်က အမျိုးသားတိုင်းရဲ့ ၀တ်စုံတွေအတွက် ထာဝရ ဖြည့်စွက်ချက်တစ်ခု ဖြစ်မှာပါ။

Messenger Bag

သမိုင်းစဉ်ဆက်က ဆက်သားများ ကိုင်ဆောင်ခဲ့တဲ့ အိတ်ပုံစံနဲ့ ဒီဇိုင်းထုတ်ထားလို့ Messenger Bag လို့ အမည်ပေးထားပါတယ်။ ယေဘုယျအားဖြင့် မိုးကာစတွေနဲ့ ပြုလုပ်တဲ့ Messenger Bag ဟာ မြို့ပြဖက်ရှင်ရဲ့ အဓိပ္ပာယ်သစ်ကို ဖော်ဆောင်ထားပါတယ်။ မိုးကာစ အိတ်ကိုင် ကျောင်းသားတွေကနေ သားရေအိတ်ကိုင် မြို့ပြနေသူတွေအထိ Messenger ရဲ့ သက်သောင့်သက်သာစတိုင်လ်က ရိုးရှင်းပေါ့ပါးပြီး ဟန်ပါတဲ့ စတိုင်လ်ကို ပေးစွမ်းနိုင်ပါလိမ့်မယ်။

Hold All

အားလပ်ရက် အပျော်ခရီးတို ထွက်ရင်ဖြစ်ဖြစ်၊ အလုပ်ကိစ္စနဲ့ သုံးရက်လောက် ခရီးသွားရင်ဖြစ်ဖြစ် အမျိုးသားတိုင်း ခရီးဆောင်အိတ်တစ်လုံး လိုတယ်လေ။ ကြီးမားတဲ့ အထုပ်အပိုးကြီးတွေကနေ ကျစ်လျစ်ပြီး ဖက်ရှင်ကျတဲ့ အသွင်ကို Hold All တွေနဲ့ ပြောင်းလဲယူနိုင်ပါတယ်။ ရှုံ့ကြိုးနဲ့ ပိတ်ရတဲ့ အိတ်လုံးရှည်တွေကနေ ဒီဇိုင်းထုတ်ထားတာပါ။ အများအားဖြင့် အပြင်ပိုင်းကို သားရေနဲ့ ပြုလုပ်ပါတယ်။

Camera Bag

Messenger Bag ကို နည်းနည်းသေးပြီး ပုံစံပြောင်းထားတဲ့ Camera Bag က ပိုရှည်ပြီး လေးထောင့်ကျပါတယ်။ ကမ္ဘာလှည့်ခရီးသွားတွေအတွက် အဆင်ပြေပါတယ်။ Camera Bag ဟာ သိပ်မပေါ်လွင်ပေမယ့် သင့်ပစ္စည်းတွေကို ဆွဲထားရာမှာ အကြီးအကျယ်ကို စတိုင်လ်ကျစေပါတယ်။ Camera Bag ကအမျိုးသားတွေအတွက် ဘာဖြစ်လို့ Classic အိတ်ဖြစ်နေရသလဲဆိုတော့ သင့်ပခုံးပေါ်မှာ တွဲလောင်းရှိနေပေမယ့် သင့်ရဲ့ ၀တ်စုံကို ပိုပြီးယောက်ျားပီသစေလို့ပါပဲ။

Tote

Briefcase နဲ့ အနီးစပ်ဆုံးတူပြီး လက်မှုပညာသည်အိတ်နဲ့လည်း ဆင်တူတဲ့ Tote ဟာအလုပ်တက်ဝတ်စုံ ပေါ့ပေါ့ပါးပါးနဲ့ လိုက်ဖက်ပါတယ်။ ရှည်လျားတဲ့ လက်ကိုင်က မျက်မှောက်ခေတ် ပုံစံကို ပြဆိုပေးသလို သူ့ရဲ့ ဒီဇိုင်းနဲ့ ပျော့ပျောင်းတဲ့ အပြင်ပိုင်းသားရေတွေက Classic အဆင့်အတန်းကို သတ်မှတ်ပေးပါတယ်။ ချော့ကလက်ရောင်နဲ့ အနက်ရောင် Tote တွေဆိုရင်တော့ ပေါ့ပေါ့ပါးပါးအလုပ်တက် ၀တ်စုံတိုင်းကို ယောက်ျားပီသခြင်း ပေါင်းစပ်ပေးနိုင်ပါတယ်။

Newsboy Bag

Newsboy ရဲ့ Classic စတိုင်လ်ဟာ အမျိုးသားတွေရဲ့ ထသွားလာသွား အ၀တ်တွေနဲ့ လိုက်လျောညီထွေ ရှိပါတယ်။ Messenger Bag ရဲ့ စတိုင်လ်နဲ့ ဆင်တူပေမယ့် သူ့ရဲ့မိုးကာစနဲ့ ပြုလုပ်ထားတဲ့ အပြင်ပိုင်းဟာ Messenger ထက် ခမ်းနားမှု လျော့နည်းပါတယ်။ ဖက်ရှင်ကျပြီး ယောက်ျားပီသမှုကို ဖော်ထုတ်ပြနိုင်ခြင်း၊ ရိုးရိုးကျောပိုးအိတ် တစ်လုံးထက်ပိုပြီး စတိုင်လ်ကျခြင်းတို့ကြောင့် ဒီအိတ်စတိုင်လ်ဟာ ကျောင်းသားတွေအတွက် အကောင်းဆုံးပါ။

အိတ်တွေဟာ အမျိုးသမီးတွေအတွက်ပဲဆိုတဲ့ အတွေးအခေါ်ဟောင်းကြီးကို ပစ်ပယ်ပြီး ဖက်ရှင်ခေတ်ကြီးထဲကို လှမ်းလာလိုက်ပါ။ Briefcase တွေကို အမျိုးသားတွေ အသုံးများသလို Messenger Bag တွေကလည်း ယနေ့ခေတ် အမျိုးသားတွေအတွက် မရှိမဖြစ် လိုအပ်တဲ့ တွဲဖက်ပစ္စည်းတွေ ဖြစ်လာပြီဆိုတာ တွေ့ရမှာပါ။