အဖြူရောင်စည်းမျဉ်း
အဖြူရောင်အ၀တ်အထည်တွေဟာ ပူပြင်းလှတဲ့ နေ့တွေမှာတောင် အေးမြလန်းဆန်းပြီး ကြော့မော့တဲ့ဟန်ကို ပေးစွမ်းနိုင်ကြပါတယ်။ အဖြူရောင်ဟာ အလင်းပြန်နိုင်၊ ချွေးစုပ်နိုင်တာကြောင့် ၀တ်ဆင်ထားသူဟာ အပူချိန်တွေဘယ်လောက်မြင့်မြင့် အေးမြ၊ တည်ငြိမ်တဲ့ သွင်ပြင်ကို ရနိုင်ပါတယ်။ ဒါကြောင့်လည်း အဖြူရောင်ဟာ အပူပိုင်းဒေသတွေမှာ နေထိုင်သူတွေ နှစ်ပေါင်းများစွာ အကြိုက်နှစ်သက်ဆုံး အရောင်ဖြစ်ခဲ့တာပါ။ အေးတဲ့ ရာသီမှာပဲ ၀တ်ဝတ်၊ ပူတဲ့ ရာသီမှာပဲ ၀တ်ဝတ် အဖြူရောင်ဝတ်ဆင်ခြင်းနဲ့ ပတ်သက်လို့ စည်းမျဉ်းစည်းကမ်းတစ်ချို့ဟာ အတိတ်မှာ ကျန်ခဲ့ပြီဖြစ်ပေမယ့် အောက်ပါအခြေခံ အချက်လေးတွေကတော့ ကျန်နေဆဲပါ။
၁။ အဖြူရောင်အ၀တ်အောက်မှာ အသားရောင်အတွင်းခံတွေပဲဝတ်ပါ
လွန်ခဲ့တဲ့ နှစ်များအတွင်းကတော့ ဒီစည်းကမ်းချက်ဟာ အဖြူရောင်အောက်မှာ အဖြူရောင်ပဲ ၀တ်ဆင်ဖို့ဆိုပါတယ်။ အဖြူရောင်အတွင်းခံ အ၀တ်အစားတွေဟာ အဖြူရောင်အ၀တ်အောက်မှာ ထုတ်ချင်းခတ်မြင်နေရတာကြောင့် အသားရောင်အတွင်းခံနဲ့ ဆိုရင် ပိုပြီးသင့်တော်ပါတယ်။ ရှင်းရှင်းလင်းလင်းနဲ့ တစ်သားတည်းဖြစ်နေတဲ့ သွင်ပြင်ကိုရဖို့ သင့်အသားရောင်နဲ့ အနီးစပ်ဆုံးတူညီတဲ့ အတွင်းခံပဲဝတ်ဆင်ပါ။
၂။ အ၀တ်အထည်ပေါ်မှာ အဖြူရောင်ပါတဲ့နေရာကို ဂရုပြုပါ
အင်္ကျီ (သို့) ဘောင်းဘီ စသည်တို့မှာ တစ်ထည်လုံးအဖြူရောင် မဟုတ်ဘဲ အဖြူ ကွက်တိကွက်ကျားပဲ ပါတဲ့ အ၀တ်တွေအတွက် ဒီအချက်ဟာ အရေးကြီးပါတယ်။ အဖြူရောင်ဟာ အလင်းပြန်နိုင်တဲ့ အရောင်ဖြစ်တာကြောင့် သူ့ကိုဝတ်ဆင်ရင် အမြင်မှာ ပိုကြီးသွားနိုင်ပါတယ်။ ဒါကြောင့် သင့်ရဲ့ ထွားလွန်းတဲ့ ခန္ဓာကိုယ် အစိတ်အပိုင်းနေရာမှာပဲ အဖြူရောင်ပါမယ့် အ၀တ်တွေကို မ၀တ်ဆင်သင့်ပါဘူး။ တကယ်လို့ ၀တ်ဆင်မိရင် အဲဒီနေရာကို ပိုပြီးကြီးထွားသယောင် မြင်ရပါတယ်။ တစ်ထည်လုံး အဖြူရောင်ချည်းပါတဲ့ ၀တ်စုံကို ၀တ်ဆင်ပါ။ (သို့) သေးငယ်တဲ့ ခန္ဓာကိုယ်အစိတ်အပိုင်းကို ပေါ်လွင်စေဖို့ အဖြူဝတ်ဆင်ပါ။
၃။ အဖြူရောင် ခြေအိတ်ကိုရှောင်ပါ
သင်ဟာ မင်္ဂလာသတို့သမီး (သို့) အသက် ၅နှစ်အောက် ကလေးငယ်မဟုတ်ဘူးဆိုရင် သင့်ဗီရိုထဲမှာ အဖြူရောင် ခြေအိတ်အတွက် နေရာမရှိသင့်ပါဘူး။ ဟုတ်ပါတယ်။ ကွယ်လွန်သူ ဝေလမင်းသမီး ဒိုင်ယာနာကြောင့် လွန်ခဲ့တဲ့ အနှစ်(၂၀)တုန်းက လူကြိုက်များခဲ့ဖူးပါတယ်။ ဒိုင်ယာနာ ဘာဖြစ်လို့ အဖြူရောင်ခြေအိတ် ၀တ်ဆင်ရလဲဆိုတော့ သူမရဲ့ ဝေလမင်းသားထက် ပိုပုတဲ့ သွင်ပြင်ကို လိုချင်လို့ပါ။ အကယ်၍ သင်ဟာ အရပ်ရှည်ပြီး သင့်ရဲ့ မင်းသားလေးထက် ပိုပုတဲ့ သွင်ပြင်လိုချင်ရင်တော့ ကောင်းပါတယ်။ ဒါပေမယ့် သင့်ရဲ့ အရပ်ဟာ မရှည်ဘူး၊ (သို့) အလယ်အလတ်၊ (သို့) သင်ဟာ အ၀လွန်နေသူဆိုရင်တော့ အဖြူရောင်ခြေအိတ်နဲ့ မလိုက်ဖက်ပါဘူး။ သင့်ကို ပိုရှည်အောင်မလုပ်နိုင်သလို၊ သွယ်လျပုံပေါ်အောင်လည်း မလုပ်နိုင်ပါဘူး။
၎။ အဖြူရောင် ဖိနပ်စီးတော့မယ်ဆိုရင် ပြန်စဉ်းစားပါဦး
အဖြူရောင် ဖိနပ်တွေဟာ ပူအိုက်တဲ့ ရာသီတွေအတွက် အကောင်းဆုံးရွေးချယ်စရာပါ။ ဒါပေမယ့် အဖြူရောင်ဖိနပ်ဟာ ခြေထောက်ကို ပိုကြီးစေပြီး သင့်အရပ်ကို ပိုပုစေလို့ သင့်စိတ်ကူးရုပ်ပုံလွှာရည်မှန်းချက်အတွက် အကောင်းဆုံးရွေးချယ်စရာတော့ မဟုတ်ပါဘူး။
၅။ မင်္ဂလာဆောင်တစ်ခုကို အဖြူရောင် မ၀တ်သွားပါနဲ့။
မင်္ဂလာသတို့သမီး (သို့) သတို့သမီးအရန် မဟုတ်ဘူးဆိုရင် မင်္ဂလာပွဲကို အဖြူရောင်ဝတ်စုံ မ၀တ်သွားသင့်ပါဘူး။ တခြားအရောင်တစ်ရောင်အောက်ကမှ အဖြူရောင် ဘလောက်စ်ဝတ်ရင်တော့ အိုကေပါတယ်။ အဖြူရောင်ဟာ သတို့သမီးနဲ့ သတို့သမီးအရန်တွေအတွက်ပဲ ဆိုတဲ့ ရိုးရာအစွဲအလမ်းက ခိုင်မြဲနေတုန်းမို့ သူမရဲ့ အကြီးကျယ်ဆုံးနေ့မှာ သတို့သမီးနဲ့ ယှဉ်ပြိုင်မနေပါနဲ့။
ခေတ်ဆန်ကြော့မော့ဖို့၊ အေးအေးမြမြနေနိုင်ဖို့နဲ့ ပူအိုက်တဲ့ လတွေမှာ ပျော်ရွှင်နိုင်ဖို့ အကောင်းဆုံးနည်းလမ်းကတော့ အဖြူရောင်ဝတ်ဆင်ခြင်းပါပဲ။ ဒီလမ်းညွှန်ချက်တွေကို အသုံးချမယ်ဆိုရင် သင့်သွင်ပြင်ဟာ အပူဆုံးနေ့တွေမှာတောင် တည်ငြိမ်၊ အေးမြ၊ ဣနြေ္ဒရနေနိုင်လို့ တစ်ခြားသာယာတဲ့ ရာသီဥတုတွေဆိုရင် ပြောနေဖို့တောင်မလိုတော့ပါဘူး။
0 Responses to "White"
Post a Comment