Hair Style ဘယ်လိုရွေးမလဲ
သင့်မျက်နှာ ပုံစံဟာ သင်ဘယ်လိုဆံပင်ပုံနဲ့ လိုက်ဖက်တယ်ဆိုတာ ကောင်းကောင်းလမ်းညွှန်ချက် ပေးနိုင်ပါတယ်။ ကိုယ်ရဲ့ မျက်နှာပုံစံဟာ ဘယ်လိုပုံလဲဆိုတာ သေသေချာချာမသိသေးရင် မှန်ကိုကြည့်ပြီး မျက်နှာကောက်ကြောင်းအတိုင်း နှုတ်ခမ်းဆိုးဆေးတောင့် (သို့) ဆပ်ပြာတောင့်နဲ့ မှန်ပေါ်မှာ ကောက်ကြောင်းဆွဲကြည့်ပါ။ ဒါမှ ရှင်းလင်းပြတ်သားတဲ့ ပုံစံကို သိပြီး ကိုယ့်အတွက် အကောင်းဆုံး ဆံပင်ပုံစံကို ရွေးနိုင်ပါလိမ့်မယ်။
ဝိုင်းတဲ့မျက်နှာရဲ့ ယေဘုယျထူးခြားချက်က ပါးရိုးကျယ်ပြန့်ပြီး မေးစေ့ လုံးဝန်းပါတယ်။ ၀ဖြိုးတဲ့ ပုံပေါက်တဲ့ မျက်နှာဝိုင်းကို သေးငယ်နွဲ့နှောင်းစေတာကတော့ အထပ်အထပ်တွေပါတဲ့ ဆံပင်ပုံစံပါပဲ။ ဆံပင်တိုတိုကို ပိုနှစ်သက်တယ်ဆိုရင် ပေါ့ပေါ့ပါးပါးနဲ့ လှပတဲ့ပုံစံကို အနားချွန်ချွန် ဖြတ်ထားတဲ့ ဆံပင်ပုံစံက ဖန်တီးပေးနိုင်ပါတယ်။ သင်ဟာဆံပင်အရှည်ထားခြင်းကို ၀ါသနာပါတယ်ဆိုရင်လည်း ဆံပင်ရှည်ရှည်နဲ့ ကုပ်ဝဲ ဆံပင်တွေက သင့်မျက်နှာကို ဘဲဥပုံပေါက်ဖို့ ကူညီနိုင်ပါတယ်။ ဦးခေါင်းထိပ်မှာ မြင့်တဲ့ ဆံပင်ပုံစံ (အမောက်၊ ဆံထုံးမြင့်မြင့်) တွေက သင့်မျက်နှာနဲ့ ဆံပင်ကို လိုက်ဖက်ညီအောင် ကူညီပေးနိုင်ပါတယ်။ Drew Barrymore ကတော့ တကယ့်ကို မျက်နှာဝိုင်းသူပါ။ ပြီးတော့ သူမက ဆံပင်အတိုရော၊ အရှည်ရော နှစ်မျိုးလုံးကို အောင်အောင်မြင်မြင်၊ လှလှပပနဲ့ ထားခဲ့ပါတယ်။
စတုရန်းပုံမျက်နှာ
စတုရန်းပုံမျက်နှာဟာ မေးရိုးတွေထင်ထင်ရှားရှား ပေါ်နေတဲ့အတွက် ပျော့ပျောင်းနူးညံ့မှုလိုအပ်ပါတယ်။ အထပ်ထပ်ဆံပင်ပုံစံထားပါ။ မျက်နှာတစ်ဝိုက်မှာ ဆံပင်စလေးတွေ ကျနေတာဟာ အဓိကသော့ချက်ပါပဲ။ ပါးပါးလွှာလွှာ ချွန်ချွန်ထက်ထက် ဆံမြိတ်တွေဆိုရင် အပြည့်စုံဆုံးပေါ့။ ထောင့်ကျကျ၊ တုံးတိတိ ဆံပင်စတိုင်လ်ဟာ မေးစေ့နဲ့ နဖူးကိုပိုပြီး အာရုံစိုက်မိစေလို့ ရှောင်ပါ။ လေးထောင့်စပ်မျက်နှာနဲ့ စံတင်လောက်တဲ့ အလှပိုင်ရှင်ကတော့ Katie Holmes ပါပဲ။
0 Responses to "Hair Style to Suit with Your Face Shape"
Post a Comment