Style Guide for Gentleman
Gentleman Style ကို မြန်မာပြည်မှာ လူကြီးရော၊ လူငယ်တွေပါ ၀တ်ဆင်လာကြပါပြီ။ ဟိုနားဒီနားသွားတဲ့ အခါမှာ သာမာန်ကြည့်ကောင်းရုံလောက် ၀တ်ဆင်နိုင်ပေမယ့်၊ ဧည့်ခံပွဲ၊ ဖျော်ဖြေပွဲတွေ၊ အလုပ်ထဲ၊ ရုံးထဲတွေမှာ ၀တ်ဆင်ကြတဲ့အခါ ခန့်ခန့်ညားညားနဲ့ ကြည့်ကောင်းအောင် ၀တ်ဆင်ကြဖို့ လိုပါတယ်။
သင့်ကိုယ်သင် အကောင်းဆုံးကြည့်ကောင်းအောင် ၀တ်ဆင်ထားရင် အလုပ်ထဲမှာရော၊ လူမှုဆက်ဆံရေးနယ်ပယ် တွေမှာပါ ကိုယ့်ကိုယ်ကိုယ် ယုံကြည်မှုပိုရှိစေပါတယ်။ သင့်ရဲ့ ခံစားမှုတွေက သင့်ဝတ်စားဆင်ယင်ပုံတွေနဲ့ အပြန်အလှန် ဆက်စပ်ပတ်သက်နေပါတယ်။ ဒါကြောင့် သင့်ကိုယ်သင် ဂရုမစိုက်ဘူး၊ စိတ်ဝင်စားမှု မရှိဘူးဆိုရင်တော့ သင့်ရဲ့ စတိုင်လ်ဟာလည်း ကြည့်ကောင်းမှာ မဟုတ်ပါဘူး။ အမျိုးသားတွေ ဘယ်လိုဝတ်ဆင်သင့်တယ်ဆိုတာကို သင်ကြုံတွေ့ရမယ့် အမျိုးသမီးတွေ သိကြပါတယ်။ သူတို့အကြိုက်ဝတ်တတ်တဲ့ အမျိုးသားတွေသာ သူတို့ကို ဆွဲဆောင်နိုင်ပါတယ်။ သူတို့ကို စိတ်ပျက်စေရင် သင်လည်း ကိုယ့်ကိုယ်ကိုယ် စိတ်ပျက်လာပါလိမ့်မယ်။
အရောင်တွေကို ဘယ်လိုတွဲဖက်ဝတ်ဆင်ရမယ်ဆိုတာကို အမျိုးသမီးတွေက သိကြသလို သင်လည်းသိထားသင့်ပါတယ်။ အကယ်၍ သင်မသိသေးဘူးဆိုရင်တော့ အမျိုးသမီး တစ်ယောက်ယောက် ဆီက အကူအညီယူလိုက်ပါ။ တကယ်လို့ သင်အလုပ်လုပ်တဲ့ နေရာ၊ သင်သွားမယ့်နေရာဟာ ရှေးဆန်တဲ့နေရာ မဟုတ်ဘူးဆိုရင် တောက်ပတဲ့ အရောင်တွေ၊ ပေါင်းစပ်ထားတဲ့ အရောင်တွေကို ၀တ်ဆင်နိုင်ပါတယ်။ အဖက်ဖက်က ပြည့်စုံတဲ့ အဖြူနဲ့ အနက်ရဲ့ အရေးပါမှုကိုလည်း လျော့တွက် လျစ်လျုရှုမထားပါနဲ့ဦး။ အဖြူနဲ့ အနက် ပေါင်းစပ်ပြီး ချုပ်ထားတဲ့ ၀တ်စုံတွေဟာ သင့်ကို စွဲမက်ဖွယ်ကောင်းတဲ့ စတိုင်လ်ကို ပေးပါလိမ့်မယ်။ သင်ဟာ အရောင်တစ်ရောင်တည်းကိုပဲ အသုံးပြုပြီး ၀တ်ဆင်နိုင်ပါသေးတယ်။ ဒီလိုတစ်ရောင်တည်းဝတ် မယ်ဆိုရင်တော့ သင့်ရဲ့ ၀တ်စုံကို ပိုပြီးရေပန်းစားအောင် ၀တ်စုံနဲ့ အရောင်ကွဲတဲ့ နက်ခ်တိုင်ကို ရွေးချယ်ဝတ်ဆင်လိုက်ပါ။
အဖြူရောင် ရှပ်အကီင်္ျကို ကုတ်အကီင်္ျအရောင်ရင့်ရင့်နဲ့ တွဲဖက်ဝတ်ဆင်ခြင်းကတော့ ထုံးတမ်းအစဉ်အလာ ညနေခင်း ၀တ်စုံပါပဲ။ ဒါပေမယ့် အဲဒီလိုချည်း အမြဲတမ်းဝတ်နေရင်တော့ ပျင်းစရာကောင်းပါတယ်။ အပြောင်းအလဲတစ်ခုအနေနဲ့ အနက်ရောင် ကုတ်အကီင်္ျကို အရောင်ပါတဲ့ ရှပ်အကီင်္ျ (ဥပမာ- အနီရောင်ရင့်ရင့်) နဲ့ ၀တ်ကြည့်ပါလား။ ရုံးတွေ၊ စီးပွားရေးလုပ်ငန်းတွေမှာတော့ အဖြူရောင်၊ ဒါမှမဟုတ် အပြာရောင် ရှပ်အကီင်္ျတွေ ၀တ်သင့်ပါတယ်။ အစင်းကျား၊ လေးထောင့်ကွက်တွေပါတဲ့ အကီင်္ျတွေကလည်း နှစ်လိုဖွယ် အပြောင်းအလဲတစ်ခုကို လုပ်ပေးနိုင်ပါတယ်။ ရှပ်အကီင်္ျကော်လာဖွင့်ထားခြင်း၊ နက်ခ်တိုင်လျော့တိလျော့လျဲ ဖြစ်နေခြင်းတွေဟာ သင့်ကိုသက်သက်သာသာ၊ တည်တည်ငြိမ်ငြိမ် ဖြစ်နေတယ်လို့ မထင်ရဘဲ အရက်မူးနေတယ်လို့ပဲ ထင်ရပါလိမ့်မယ်။ သာမန်အားဖြင့်တော့ သင်ဟာ ကော်လာအဖြောင့်တွေပဲ ၀တ်ဆင်သင့်ပါတယ်။ ကော်လာမှာ ကြယ်သီးပါတဲ့ အကီင်္ျကိုတော့ အရည်အသွေးကောင်းတာဖြစ်မှ ၀တ်ဆင်သင့်ပါတယ်။
စန်တာကလော့ပုံ၊ ၀က်ဝံပုံ စတဲ့ ရုပ်ပုံတွေပါတဲ့ နက်ခ်တိုင်မျိုးတွေဟာ ပျော်ပွဲရွှင်ပွဲတွေအတွက်တော့ ကောင်းပါတယ်။ ဒါပေမယ့် ရုံးမှာ၊ အလုပ်ထဲမှာတော့ မ၀တ်သင့်ပါဘူး။ နက်ခ်တိုင်ရဲ့ အထုံးအကျယ်ကို ကော်လာအကျယ်နဲ့ ချိန်ညှိပြီးစည်းပါ။ ကော်လာကျယ်ရင် အထုံးကိုလည်းကျယ်ကျယ်ရအောင်စည်းပါ။ နက်ခ်တိုင်တစ်ခုကို နည်းစနစ်မှန်စွာ စည်းထားတယ်ဆိုရင် အထုံးရဲ့အောက်မှာ အချိုင့်လေးတစ်ခု ရှိနေပါလိမ့်မယ်။ နက်ခ်တိုင်တွေကို အရှည်နှစ်မျိုးနဲ့ ရောင်းချလေ့ရှိပါတယ်။ စံသတ်မှတ်ထားတဲ့အရှည်က 56 လက်မဖြစ်ပြီး အဲဒီထက်ပိုရှည်တဲ့ 60 လက်မတို့ကို ၀ယ်ယူနိုင်ပါတယ်။ အကယ်၍ သင်ဟာအရပ် ၆ ပေထက်ကျော်ပြီး ဗိုက်ပူနေတဲ့ လူဝကြီးမဟုတ်ဘူးဆိုရင်တော့ ၅၆ လက်မရှည်တဲ့ နက်ခ်တိုင်ကိုပဲ ၀ယ်ပါ။ နက်ခ်တိုင်ရဲ့ အောက်အနားဟာ သင့်ခါးပတ်ခေါင်းကို ဖုံးမိသွားအောင် စည်းသင့်ပါတယ်။ နောက်ဆုံးအကြံပေးချင်တာကတော့ သင့်အကီင်္ျတွေကို မီးပူတိုက်ပြီးမှ ၀တ်သင့်ပါတယ်။ ဒါဟာ သင့်ကို ပိုပြီး ထင်ရှားပေါ်လွင်စေသလို အကီင်္ျရဲ့ အရောင်ဟာလည်း အမြဲတောက်တောက် ပြောင်ပြောင်ဖြစ်နေပါလိမ့်မယ်။
0 Responses to "Style Guide for Gentlemen"
Post a Comment